Texte für „Pfeigrod“

 

 

 

 

Stand: September 2010

 

 

Inhalt

Do muaßt drübasteh. PAGEREF _Toc309897383 \h 1

Traum-Mo. PAGEREF _Toc309897384 \h 2

Wia de Herrn do ohm.. PAGEREF _Toc309897385 \h 3

Kontaktanzeige. PAGEREF _Toc309897386 \h 4

Wirtschaft PAGEREF _Toc309897387 \h 5

Mei Problem.. PAGEREF _Toc309897388 \h 6

S’Lem is wia a Fuaßboispui PAGEREF _Toc309897389 \h 7

Des basst scho. PAGEREF _Toc309897390 \h 8

Systemkrisn. PAGEREF _Toc309897391 \h 9

Starke Männa. PAGEREF _Toc309897392 \h 10

Da Wiesn-King. PAGEREF _Toc309897393 \h 11

Ausgnutzd. PAGEREF _Toc309897394 \h 12

Geprägt PAGEREF _Toc309897395 \h 13

Randerscheinung. PAGEREF _Toc309897396 \h 14

Zu zwoat muaßt sei PAGEREF _Toc309897397 \h 15

Anziehungskräfte. PAGEREF _Toc309897398 \h 16

Da Knupf PAGEREF _Toc309897399 \h 17

Saung und Wischn. PAGEREF _Toc309897400 \h 18

Jeda macht sei Ding. PAGEREF _Toc309897401 \h 19

Wia hoaßt ma an Mensch. PAGEREF _Toc309897402 \h 20

Check dei Zukunft PAGEREF _Toc309897403 \h 21

 

 

 

 

 

Do muaßt drübasteh

 

 

Wenn olles schiaf lafft, bleib i am liabstn dahoam,

bevor i zum Wirt gäh zum Frust oibeschwoam.

Do wartn scho olle und jäda moands guad,

i kunns nimma hean, do kriag i mei Wuad.

 

Gäh weida, loß di ned hänga,

Häh Oida, dua positiv denga.

Gäh weida, du waarst ja schee.

Häh Oida, do muaßt drübasteh.

 

 

Des is ned bloß gredt, des is wirklich so:

den, der an Schodn hod, dableckans a no.

Do wartn scho olle und jäda moands guad,

i kunns nimma hean, do kriag i mei Wuad.

 

Gäh weida, loß di ned hänga,

Häh Oida, dua positiv denga.

Gäh weida, du waarst ja schee.

Häh Oida, do muaßt drübasteh.

 

 

Am liabstn daat i mi dann obreagiern,

und schlogat dem Schlaumoa an Hammer aufs Hirn.

Und dann gabat i eahm an ganz guadn Rod.

Den kennt ea zwar scho, aba dea passd pfeigrod.

 

Gäh weida, loß di ned hänga,

Häh Oida, dua positiv denga.

Gäh weida, du waarst ja schee.

Häh Oida, do muaßt drübasteh.

 

 

(Albert, Februar 2005)

 


 

 

Traum-Mo

 

 

Oft iss wia im Traum,

und is ned zum glaum.

Do triff i a Frau,

wo i’s woaß genau.

Wo da Gedanke kimmt:

De waar für mi bestimmt.

 

I alloa kunn’s erkena,

dass sie is de Schena.

Und dea Depp neba ihr,

kapiert des gar nia.

A Schand iss oiwei,

wia Perlen vor de Sei.

 

Warum nimmst ned mi,

erkennst ned mei Genie?

Sei hod bloß a weng,

so wia i mia di deng.

Schau mi hoid endlich o,

i bin nämlich dei Traum-Mo.

 

 

(Albert, Februar 2005)

 


 

 

Wia de Herrn do ohm

 

 

Muaß i erst Karriere macha,
um a Drecksau zum sei?
Ja do weast Du lacha,
denn i waar so frei.

 

Muaß i erst global denga,
um d’Leit auszumschmiern?
Des kaant i scho länga,
do brauchts ned vui Hirn.

 

Wia de Herrn do ohm waar i scho lang,
wenn i meng daat, genau so krang.

Bloß de Herrn san de Elite,
und i???
I wohn in Miete.

 

 

Muaß i erst auf d’Uni geh,

um dann obzumsahna?
Mei Insolvenz waar grod so schee,
do brauchst ned vui plana.

 

Muaß i erst Beziehungen homm,
dass laafft ois wia gschmiert?
Wenns obe geht an Gromm,

woaß i aa, dass pressiert.

 

Wia de Herrn do ohm waar i scho lang,
wenn i meng daat, genau so krang.

Bloß de Herrn san de Elite,
und i???
I wohn in Miete.

 

 

(Albert, Juni 2008)

 


 

 

Kontaktanzeige

 

 

Gäh weida, kimm loß mi ganz griabig mit dia spuin.

Weil, anders wia de Buarschn,

de bloß a wengal ruaschn,

und anders wia de Lackln,

de bloß an di hinackln,

kunn i deine Wünsche erfuin.

 

Drum nimm mi.

Drum nimm mi.

Drum nimm mi.

I kunns erfuin.

 

Gäh weida, du brauchst do dein Schmuck ned glei vergromm.

Weil, anders wia de Wuidn

mit Hunderttausend Schuidn,

und anders wia de Bauern,

de bloß auf dein Grund lauern,

wui i gar nix von dia homm.

 

Aussa di.

Aussa di.

Aussa di.

Wui i nix homm.

 

 

(Albert, Juli 2008)

 


 

 

Wirtschaft

 

 

Wirtschaft, Wirtschaft.

Wer’s schafft, zoit o.

Wer zoit, schafft o.

Wer ned, arm dro.

Arm ab, Arm dro.

Wen kümmert des denn scho?

 

Wirtschaft, Wirtschaft.

Wer’s schafft, der hofft.

Wea zoit, hod Kroft.

Wer ned wead Wirt.

Damit er gspiaht,

Wia’s laaffa daat wia gschmiat.

 

Wirtschaft, Wirtschaft.

Wer’s schafft, verkaaft.

Wea zoit, der kaaft.

Wer ned der laaft

Ois arma Mo

Woaßt scho, ganz weit davo.

 

Wirtschaftsstarke Wirtschaftsriesn,

Wirtschaftskraft und Wirtschaftskrisn,

bloß des oane is erwiesn,

s’Lem looß i mia ned veamiesn.

 

 

(Albert, August/Oktober 2008)


 

 

Mei Problem

 

 

Mei Problem is, daass de Wejt ned verschdäht,

um woos daass mia eigentlich gäht.

I wui vor allem in Ruah gloossn wearn.

I wui mein Spaß und den Spaß koam veadearm.

 

Mei Problem is, daass daa Chef ned verschdäht,

um woos daass mia eigentlich gäht.

I arbaad gern, weil i s’Gejd brauch zum Lem.

A Lem bloß füa d’Arbaad waar unangenehm.

 

Mei Problem is, daass de Fraun ned verstehn,

und des is scho oiwei so gwen,

um woos daass mia eigentlich gäht.

Bis de soweit san, bis doohi iss z’schbät.

 

Mei Problem, mei Problem

Is eigentlich gar koa Problem.

I hobs glöst, bevor des oans wead.

I hob einfach gar ned zuaghead.

 

 

(Albert, Oktober 2008)

 


 

 

S’Lem is wia a Fuaßboispui

 

 

S’Lem is wia a Fuaßboispui,

Unterschied gibts ned recht vui.

 

Teamgeist is des Wichtigste,

sich mit Arschlöcha versteh.

Fairness gheat ganz gwis dazua,

da Schiri loßt dia sonst koa Ruah.

Regeln muaß ma akzeptiern,

aa soichane mit wenig Hirn.

 

Du kunnst a in da Nachspuizeit

no oiss verliern, woos di so gfreid.

Oda aba dei Chance nutzn

und de Gegner weggabutzn.

Leichtsinn wead sofort bestraft.

Lorbeern erntet dea, woos schafft.

 

Aus iss, wenn da Schiri pfeift,

oda in sei Daschn greift.

Rot hoaßt du muaßt friahra geh

und zo deine Fälla steh.

Am schlimmstn is a Auswechslung,

ned wennsd oid bist, sondern jung.

 

S’Lem is wia a Fuaßboispui,

Unterschied gibts ned recht vui.

 

 

(Albert, November 2008)

 


 

 

Des basst scho

 

 

Dua de ned oowe, du Perfektionist.

I kenn di, i woaß scho, dass du oana bist.

Mindestens 100prozentig muass sei.

Dann iss dei Wedaa, dann bist dabei.

 

Dua de ned oowe, woos soi des bringa.

Sitz de zu mia hea, deamma woos dringa.

Des geht scho, des basst scho.

Bist hint dro, du woaßt scho.

Langts a no, des basst scho.

 

 

Du kimmst mia vor, ois waarst Du dressiert.

I kenn di, i woaß scho, dass oiwei pressiert.

Wia kunn ma denn bloß so ungmüatlich sei.

Oiwei korrekt und nia aus da Reih.

 

Du kimmst mia vor, ois mechst woos erzwinga.

Sitz de zu mia hea, deamma woos dringa.

Des geht scho, des basst scho.

Bist hint dro, du woaßt scho.

Langts a no, des basst scho.

 

 

Oans deafst mia glaam, a-moi iss so weit.

I kenn di, I woaß scho, daass di des ned gfreit.

Dann kriagst an Fuaßtritt und no vui schlimma.

A d’Freind und d’Familie brauchen di nimma.

 

Oans deafst mia glaam, des daat mia stinga.

Sitz de zu mia hea, deamma woos dringa.

Des geht scho, des basst scho.

Bist hint dro, du woaßt scho.

Langts a no, des basst scho.

 


 

 

Systemkrisn

 

 

Es gibt Doog, do moant ma,
olle hätten se obgsprocha.
Olle kemman vui zspät,
olle sann total bläd.

 

Es gibt Doog, do moant ma,
wia kunn des zsammtreffa.
Ois waar des Bestimmung,
Ois waar des a Fügung.

 

Do triff i im Aufzug an ganz hohen Herrn,
dea kennt mi ned, griaßt ned
und schaugt mi ned o.
Aber i kenn eahm scho
und red eahm glei o.
Aber ea arrogant
und grod so galant
wui hoid bloß sei Ruah,
und head mia ned zua.

 

I wui vo eahm wissen den Grund für de Krisn:
Wo saan de Milliarden?
Wia habts de verzockt?
Und jetz is er endlich
nimma verstockt.
Von ohm herob soogt er,
koa Schuid gaabs do ned.
Des sei längst bewiesen,
es waar a Systemkrisn.

 

Und dann bassiert ebbs, i nenns a Revanche.
Schwarz vor de Aung, s’ Mei voller Schaum,
drisch i auf eahm ei.
Hearn’s auf, schreit da Herr,
bis i dann aufhear.
Und Entschuldigung soog.
Ea miaßat versteh,
es waar grod da Doog
meina persönlichen Systemkrisn.

 

 


 

 

Starke Männa

 

 

Hinta jädm starkn Mo stäht a starke Frau.
Und hinta jädm schwachn? Ja genau.
Bestimmt stehn do zwoa.
Dann liaba alloa.

 

A jäda starke Mo baut se a Haus und pflanzt an Baam.
Der arbat so vui, den siehgt ma sonst kaam.
Ned amoi am Wochenend.
Dea is de Nachbarn scho fremd.

 

Drum wui ii gar koana sei und loß eich gern vorbei.
Machts ees de starkn Männa,
und ii mach an Wickie.

 

 

A jäda starke Mo kunn se beherrschen und er hod Stil,
dea macht sei Diät und iis niamois labil.
Aa sonst iis er staad,
langweilig und faad.

 

Für jädn starkn Mo zähjt bloß de Champions-League,
er draamt vom FC Bayern und vom nächsten Sieg.
Bloß sei Leidenschaft
de hod er abgeschafft.

 

Drum wui ii gar koana sei und loß eich gern vorbei.
Machts ees de starkn Männa,
und ii mach an Wickie.

 

 


 

 

Da Wiesn-King

 

 

Ganz im Vertraun,
ii führ a Doppellem.
Dua ned so schaun,
es hod se ergem.

 

Dogsüber sitz ii
beim Chef im Büro.
Hi und do schwitz ii,
kimmt ned oft vor.

 

I zähj de Stunden
bis zum Feieram.
San de überwunden,
gibt’s Freizeitalarm.

 

Dann hoaßts geniesn,
und des jedn Dog.
Ausse auf d’Wiesn,
wo mii jeda mog.

 

Mit da Bierschaumkrone
in da Raucherzone
bin ii Wiesn-King,
ii spendier und dring.

 

Auf da Bierzelt-Wiesn
gibt’s koa Wirtschaftskrisn,
ii ois Wiesn-King
woaß von wos ii sing.

 

 

Spar des ganze Jahr
in meinen Wiesn-Fond,
ii spekulier sogar,
gäh volles Risiko.

 

Weil ii brauch vui Gejd,
ohne brauchst ned geh.
Des is hoid, wos zähjt,
und es macht mii schee.

 


 

 

Ausgnutzd

 

 

Des scheene Weeda – muaßt du ausnutzn.

Und deinen Urlaub – muaßt du aunutzn.

 

Kimm sei ned dumm – des kunn dir nutzn.

Des daasst bereun – des kunn dir nutzn.

 

Des kimmt ned wieda – drum nutz aus.

Des is dei Chance – drum nutz aus.

 

 

Olles wos von Nutzn is,
wead permanent ausgnutzd.
Olles wos no sauber is,
wead irgendwann beschmutzd.

 

Jeda der no ehrlich is,
wead meistns schiaf ogschaut.
Jedm der bloß hejfa wui,
wead erst amoi misstraut.

 

 

Drum, wenn du di ausgnutzd fuist,
dann host du aa an Nutzn.
Und wenn dei Westn sauber is,
dann deafans di beschmutzn.

 

Drum, wenn di olle schiaf oschaun,
dann warst du hoid zu ehrlich.
Und weil dir olle arg misstraun,
weast du eahna gefährlich.

 


 

 

Geprägt

 

 

ii bin geprägt vom Kindergarten,
und von da Schui, des deafts mia glaam.
ii bin geprägt ned zu meim Bestn,
mia kimmt s’Fürchtn, wenn ii draam.

 

ii bin geprägt von dene Fraun,
de ii nia verstandn hob.
Aa Prägung bleibt des ganze Lem,
verfoigt oan aa no bis ins Grob.

 

 

Des is traurig, aber wahr,
schlimmer weads von Jahr zu Jahr.
Wia de Feutn auf da Stirn
staut se oiss im oidn Hirn.
Eigenartn wean markanter,
und ii sejba ned charmanter.

 

 

Mia langts jetz mit dera Prägung,
wui koa Münzn-Rohling sei.
Und ziag ernsthaft in Erwägung,
dass ii mi von dem befrei.

 

Wia des geh soj, woass ii scho,
psychologisch ohne Zwang,
froog ii z’erst bei dene nooch,
de ii geprägt hob lebenslang.

 


 

 

Randerscheinung

 

 

Unterschätzt und kaum bekannt
is de Wichtigkeit vom Rand.
Rända hoitn olles zsamm,
siehe Wasser und Staudamm.

 

Aa de Grenzn von am Land
san nix anders wia a Rand.
Qualität und Wesensart
wean am Rand erst offenbart.

 

Sejba hob ii des scho gmerkt,
daas da Rand de Mittn stärkt.
Jetz ergibt des aa an Sinn,
daas ii a Randerscheinung bin.

 

 

Vor allem Kunst und Politik
brauchan Anstoss und Kritik.
Gaabs de ned grod an den Rändan,
dat se do nia wos verändan.

 

Machmoi iss dir ned zum Lacha
und wuisst Grenzerfahrung macha.
Dann suach dir a hohe Wand
und stay di ganz ohm an Rand.

 

Sejba hob ii des scho gmerkt,
daas da Rand de Mittn stärkt.
Jetz ergibt des aa an Sinn,
daas ii a Randerscheinung bin.

 


 

 

Zu zwoat muaßt sei

 

 

Wenn a Reh vor dir auf d’Strass laaft,
wuid aussagsprunga ausm Woaz,
dann kimmt hintnoch bestimmt a zwoats.

 

Langst du am Losstand in de Tromme,
und host pfeigrod an Hauptgewinn,
dann iis bestimmt no oana drin.

 

 

So iis des mit ganz vui Sachan,
s’Unglück kimmt aa nia alloa,
und dageng kunnst gar nix dua.

 

Fast kannt ma scho moana,
des waar a Naturprinzip,
wia da Selbsterhaltungstrieb.

 

 

Alloa iis schlecht, zu zwoat muaßt sei.

 

Alloa wennsd bist, bist isoliert.
Alloa wennsd bist, weasd gern ausgschmiert.
Alloa wennsd bist, bist du da  D e p p.

 

Alloa iis schlecht, zu zwoat muaßt sei.

 

Zu zwoat wennsd bist, bist besser dro.
Zu zwoat wennsd bist, dann hearns di o.

Zu zwoat wennsd bist, bist du a  M a c h t.

 


 

 

Anziehungskräfte

 

 

De Anziehungskraft vom Mond
wead ganz gern unterschätzt,
aber aa oft überschätzt.
Mia geht’s pfeigrod so, ii bin des gwohnt.

 

De Anziehungskraft vom Mond
iis ned so stark wia von da Erdn.
Von da Anziehungskraft da Erdn
wead aa da Mond ned verschont.

 

Anziehungskräfte san Tatsach
und verschiedn miaßn’s sei.
Schlimm, wenn des andas waar,
mit dem Kosmos waars vorbei.
Sogt ma.

 

De Anziehungskraft von Fraun
nennt man Attraktivität.
Sie wirkt aa wenn ma’s ned verstäht,
sogar auf mii, ganz im Vertraun.

 

Anziehungskräfte san Tatsach,
ständig wirkn’s auf uns ei.
Schlimm, wenn des andas waar,
mit da Menschheit waars vorbei.
Sogt ma.

 

Aber ii waar ned ii,
wenn ii mi ned dageng wehrn daad.
So a Schmarrn macht mi gern faad.
Anziehungskraft? Bin ii dageng.

 


 

 

Da Knupf

 

 

Wo is des Lem no a Leber wert?
Des kunn mia gar koana song.
Wo is dea Typ, dea mia nia zuahead?
Mit dem daat ii mii gern schlong.

 

Wo is da Sinn, den da Fortschritt macht?
Wenn’a mehra nimmt ois bringt.
Wo is dea Typ, der mii grod auslacht
Dea wo mii zum Handeln zwingt.

 

Zoag mia den Knupf, dea eahm wegga beamt,
wo ii einfach drucka muaß.
Zoag mia den Knupf, dea eahm fremd bestimmt,
zoag ma’n einfach und ii dua’s.

 

Wo is des Lem no a Leber wert?
ii wissats scho, wenns’d mii frogst.
Hoid dii an mii, des is nia verkehrt.
Hoid dii an mii, wenns’d as vertrogst.

 

ii kenn den Knupf, dea uns wegga beamt,
wo ii einfach drucka muaß.
ii kenn den Knupf, dea unsan Weg bestimmt,
foig ma einfach und ii dua’s.

 

 


 

 

Saung und Wischn

(Sound and Vision?)

 

 

Warum bloß dea Glaubenskriag

mit wos ii an Bodn obbziag?
Wia groß iis da Unterschied
zwischen
Saung und Wischn?

 

ii bin a Fan von Sauberkeit
weil Staubsaung mi ganz narrisch gfreit.
Bloß des oane muaß ii song,
mim Putzlappn do kunnst mi jong.

 

Wischen iis ned grod mei Ding,
weil d’Nachteile stark überwing.
Feichtigkeit schodt meine Händ,
verwischt an Dreck nur permanent.

 

Warum bloß dea Glaubenskriag

mit wos ii an Bodn obbziag?
Wia groß iis da Unterschied
zwischen
Saung und Wischn?

 


 

 

Jeda macht sei Ding

 

 

Da oane is Pazifist
und ea hasst jedn Hass.
Da anda is Polizist
und verlangt deinen Pass.

 

Da oane is Philosoph
und ea isst, wos ea is.
Da anda is misanthrop
und ea macht olles mies.

 

Da oane is kleptoman
und ea klaut wegam Klaun.
Da anda is Klemptner warn
und bezirzt oide Fraun.

 

Do oane is klaustrophob
und hod Angst vor da Angst.
Da anda, a Katastroph,
wennsd den heast, nachad glangst.

 

Jeda macht hoid sei Ding,
jeda lebt bloß sei Lebn.
Ea woaß ned wia’s waar,
wenn des ned a so waar.
Ea woaß ned wia’s waar,
daat’s eahm sejba ned gebn.
Jeda macht hoid sei Ding,
jeda lebt bloß sei Lebn.

 

 


 

 

Wia hoaßt ma an Mensch

 

 

Wia hoaßt ma an Mensch mit am langa Gfries?
Dea wo mehra sei wui, wiara iis?
Dea wo mehra homm wui, wiara hod?
Do frogst amoi Pfeigrod.

 

Des san de Möchtegern, de Oberschlaun,
de oiwei faad und grantig schaun.
Des san de Ehrgeizlinge, de Spaßbremsn,
wos woins denn, für wos lemsn?

 

Des san de Menschnhassa, de Streba,
de Bessawissa, de Angeba.
Des san de Überschätzten, de Egoisten,
moanan de, dass mia ned wissn?

 

Wia hoaßt ma an Mensch ganz ohne Gschies?
Dea zfriedn iis mit dem, wiara iis?
Dea wo ned mehra braucht, wiara hod?
Do frogst amoi Pfeigrod.

 

Des san de Lebenskünstler, de Schlaun,
de hintakünfte und gmüatlich schaun.
Des san de Grodaussan, de Aufrechtn,
pfeigrod so, wia mia sei mächtn.

 

 


 

 

Check dei Zukunft

 

 

Schreib Dir sejba einen Briaf,
machn auf erst in 20 Jahr.
Steck a Botschaft hintan Spiagl
warn di sejba vor Gefahr.
Ritz de Zeilen in an Baam,
am bestn glei in jädn Oost
So kunnst du in 20 Jahr checken,
obs’d di zum Depp entwickelt host

 

Check dei Zukunft machs a so.
Check dei Zukunft jetza scho.
Wenns irgendwie gäht, weil in da Zukunft iss z’spät.

 

Baass fei auf, wenns soweit iis,
und du de oidn Zeilen liest.
Ned dass du dann drübastähst
und de Absicht glatt vergisst.
Ned dass du dann frogst: warum

und moanst, du warst hoid jung und dumm.

 

 

by www.rarara-online.de.vu