(von Rul Kellner und
Albert Zimmerer)
1.
Da Wahlkampf war hart
mit unsachlichem Gred.
Aber so schlimm wia in Lengdorf
wara Gott sei Dank ned.
2.
De
Kellermann hod an Enninger
in Pemmering provoziert.
Do is eahm braun warn vor de Aung,
und do iss hoid passiert.
3.
Dass de Presse erfahrn hod,
is da NBL zum Verdanga.
Aber der Schuss is dann ziemlich
noch hintn losganga.
4.
Da
Enninger head auf
ois Gratulier-Burgamoasta.
Er hod scho an Nachfolger,
Reiner Schorsch moan i, hoaßt er.
5.
A da
Wolfsbauer Sepp
hod ois Marktrat aufghead.
Er hods Rathaus verlossen,
bevors do ungmüatlich wead.
6.
De
CSU hod vierköpfige
Plakate aufgstejt.
Und desweng hamm d’Leit
a bloß viere neigwajt.
7.
In da Bloakapejn-Broschürn
steht dass’n gern drinna hätten,
dass da Feira im Rathaus
spuit de erste Klarinettn.
8.
Liabe CSUler loßts eng song,
deats ned z’weit auffe steing,
sonst kannts nämlich sei,
dass a spuit bloß de zwoate Geing.
9.
NBL verteilt in olla Friah
frische Semmen an jeda Tür.
Des finden olle wunderbar,
wenn no grod öfta Wahlsonntag waar.
10.
Liabe CSU jetzt denkts amoi
noch,
warum habts griagt a soichane aufs Doch,
ich glab es hätt se scho rentiert,
hätts zu de Semmen an Aufschnitt spendiert.
11.
Im Lagerhaus verkaaft ea
Schraum,
Nägel, Bürsten, Kübel
und im Gemeinderat sitz da Kielbassa drin,
ois Fischer-Dübel.
12.
Vom Faschingsprinz zum
Gemeinderat,
ja do iss gar ned so weit
bei de Sitzunga gibt’s jetzt Kamelle,
wos am Burgamoasta bsonders gfreit.
13.
Überhaupt scheint sich Fasching
und Marktrat
wia magisch o zom ziang.
Wia sonst konn da Zimmerer
üba 1000 Stimmen griang.
14.
Weil bei da SPD,
des duat da Gerlinde bsonders weh,
is jetzt de Nummer 1,
oana vom Faschings-Komitee.
15.
Es gibt Ärzte de jammern,
de san staatsverdrossen.
Und es gibt Ärzte de hamm
wegen Reichtum geschlossen.
16.
Da
Krompholz macht an Aufstand
gega de Krankenkassen.
Es waar scho allerhand,
wenn de eahm verhungern lassen.
17.
Des ganze Jahr über is er
ein braver Vegetarier.
Am Neujahrempfangs-Büffet
wead da Brucka Sepp dann zum Tier.
18.
De Burgrainer san aufklärt,
des deafts ma glamm.
Do laffan scho Pornos
im Vormittagsprogramm.
19.
Mit am programmierten Receiver,
do geht des bequem
dea bringt wieda Pfeffer
in eahna Liebeslem.
20.
Da Zehetner hod se zruckzong,
jetzt wascht er und kocht er.
In de Öffentlichkeit
schickt er d’Vroni sei Tochter.
21.
Im Staatsforst hamms gesichtet
ein Emu in voller Fahrt.
Bei genauerem Hischaung
wars da Altvater Bernhard.
22.
Da Kaminkehrer duat mia leid,
wenn der aufhead, iss nix Neis.
Mia hamm halt an enormen
Kaminkehrerverschleiß.
23.
Unsan Balthasar hams ned
gwählt,
den hamm z’wenig kennt.
Aber Glückwunsch zum Comeback
als Blaskapejn-Dirigent.
24.
Am Schulparkplatz muaßt
aufpassn
dass’d ned im Halteverbot bist.
Do rasiert di nämlich da Hausmoasta
schärfer wia a Polizist.
25.
A öffentlichs Klo weads in Isen
woi niamois ned gemm.
Auf d’Nocht iss mia Wurscht
und am Dog koa Problem.
26.
Da Kummerkasten ist wieder weg,
der von der CSU am Nußrainer-Eck.
Der Kummerkasten war nämlich
am Hundeklo vui zu ähnlich.
27.
Des Dablecka is jetz aus,
i hoff es hod eng gfoin.
Deats in zwoa Jahr wieda kemma
und wieda brav an Eintritt zoin.